2 years ago
नेपाली राष्ट्रिय फुटबल टोलीका मुख्य प्रशिक्षक योहान कालिनले आफ्नो पदबाट राजीनामा दिएका छन् ।
बिहीबार बसेको अखिल नेपाल फुटबल संङ्ग ( एन्फा)को बैठकले कालिनको राजीनामा स्वीकृत गरेको प्रवक्ता किरण राईले जानकारी दिए । हाल बालगोपाल महर्जनलाई प्रमुख प्रशिक्षकमा नियुक्त गरिएको छ । उनी सन् २०१९ मार्च १ मा नेपाली फुटबल टोलीको मुख्य प्रशिक्षक नियुक्त भएका थिए ।
उनको प्रशिक्षणमा नेपालले ११ खेल खेलेको थियो । विश्वव्यापी रुपमा फैलिएको कोरोना महामारीपछि कालिन गत वर्ष चैत १४ गते स्वीडेन फर्किएका थिए। त्यसपछि उनी नेपाल फर्किएनन् । उनले आफ्नो पद स्वीडेनबाटै राजीनामा दिएको एन्फाले जनाएको छ ।
