3 years ago
सन् २००१ मा रिलिज भएको फिल्म ‘गदरः एक प्रेम कथा’को सिक्वेल बन्ने भएको छ । सनी देवल, अमिषा पटेल र अमरीश पुरीको अभिनय गरेको यो फिल्मलाई दर्शकले निकै रुचाएका थिए ।
निर्देशक अनिल शर्माले फिल्मको सिक्वेल बनाउने विषयमा मुख खोलेको नवभारत टाइम्समा प्रकाशित समाचारले जनाएका छन् । निर्माता तथा निर्देशकको समूह ‘गदर’को सिक्वेलका लागि काम शुरु गरिसकेका छन् ।
फिल्मका लागि प्लट र स्क्रिप्ट लेखनको काम भइरहेको छ । सिक्वेलमा अभिनेता सनी र अभिनेत्री अमिषा नै दोहोरिने भएका छन् । फिल्म निर्देशक अनिलका छोरा उत्कर्ष प्रमुख भूमिकामा देखिने भएका छन् ।
फिल्म ‘गदर’मा उत्कर्षले सनी र अमीषाको छोराको भूमिका निभाएका थिए । उनले सन् २०१८ मा नै फिल्म ‘जिनियस’बाट बलिउडमा डेब्यू गरेका थिए ।
