2 years ago
नाइजेरियाको कादुना राज्यमा अज्ञात बन्दुकधारीले अन्धाधुन्ध गोली चलाउँदा १२ जना सर्वसाधारणको मृत्यु भएको छ ।
कादुना राज्यको गिवा गाउँमा अन्धाधुन्ध गोली प्रहार गरेर हत्या गरेका र धेरै सर्वसधारण घाइते भएको को प्रहरीले जनाएको छ । उनीहरुले किन हत्या गरेको हो भन्ने बारेमा केही थाहा नभएको प्रहरीले बताएको छ । गिवा गाउँको किदान्दान र कदाई भन्ने स्थानमा बन्दुकधारीहरुले गाउँलेमाथि हमला गरेका थिए ।
गएको शुक्रबार र शनिबार हतियारधारी आएर बन्दुकले हमला गरेका प्रत्यक्षदर्शीहरुले बताएका छन । हमलामा परी गाँउका धेरै जना घाईते भएका छन ।
त्यहाँ केही महिनादेखि हिंसाका घटना भइरहेका छन् जिल्लाका जिल्ला प्रमुखहरुले शान्ति सुरक्षा कायम गर्नका लागि भन्दै प्रान्तीय सरकारसँग थप सुरक्षाकर्मी माग गरेको सिन्ह्वा समाचार समितिले जानकारी दिएको छ ।
