3 years ago
जापानमा एक महिलाले १० वर्ष देखि आफ्नो आमाको शव फ्ल्याटको फ्रिजरमा राखेको फेला परेको छ। युमी योशिनोले आफु घरबाट निस्कन नचाहेकोले १० वर्षदेखि आमाको लास लुकाएर राखेकी बताईन । उनलाई आमाको लास लुकाएर राखेको भन्दै प्रहरीले पक्राउ गरेको छ ।
प्रहरीले भने फ्रिजमा राखिएको शरीरमा कुनै पनि चोटपटक नदेखिएको र महिलाको मृत्युको कारण पत्ता लगाउन सकेको छैन ।
उनले भाँडा भुक्तानी गर्न नसकेको कारण उक्त अपार्टमेन्ट छोड्न बाध्य भएपछि शवलाई अपार्टमेन्टका सफाई गर्ने महिलाले देखेको स्थानीय पुलिसले जनाएको छ। लासलाई फ्रिजरमा बंग्याएर राखेको प्रहरीले जनाएको छ । युमी योशिनोलाई शुक्रवार टोकियो नजिकै रहेको चिबा शहरको एउटा होटल बाट पक्राउ गरिएको थियो।
