11 months ago
प्रधानमन्त्री अध्यक्ष पुष्पकमल दाहाल प्रचण्डले राष्ट्रको समग्र हितलाई केन्द्रबिन्दुमा राखेर आफ्नो भारत भ्रमण हुने बताउनुभएको छ ।
शनिबार ललितपुरमा नरबहादुर कर्माचार्य स्मृति प्रतिष्ठानको वार्षिक केन्द्रीयसभामा बोल्दै प्रधानमन्त्री प्रचण्डले आफ्नो छिट्टै छिमेकी देशको भ्रमण हुन लागेको भन्दै राष्ट्रको समग्र हित, स्वार्थलाई व्यवस्थित रुपले राख्नका लागि आवश्यक तयारी भइरहेको बताउनुभएको हो ।
उहाले बिभिन्न चूनौतिकाबीच कम्युनिष्ट पार्टीको नेतृत्वमा सरकार बनेकाले यसलाई अवसरको रुपमा लिने बताउनुभयो । राष्ट्रिय एकतालाई अघि बढाउन र आर्थिक समस्या समाधानका साथै इतिहासको चक्कालाई पछि ढकेल्न खोज्ने चूनौति देखिएको उहाले बताउनुभयो ।
प्रधानमन्त्री प्रचण्डले मुलुकको निर्वाचन प्रणाली र संवैधानिक व्यवस्थाका कारण कुनै एक पार्टीले बहुमत ल्याउन सक्ने अवस्था नरहेका कारण गठबन्धन बनेको र गठबन्धनलाई पाँचै बर्ष अघि बढाएर देश र जनतामा सेवा प्रवाह गरिने धारणा राख्नुभयो । नेकपा माओवादी केन्द्रका अध्यक्ष समेत रहनुभएका प्रचण्डले कम्युनिष्ट आन्दोलन अझैपनि जनतामा लोकप्रिय रहेको भन्दै कम्युनिष्ट एकतामा भएको त्रूटीलाई आत्मसमिक्षा गर्दै पुन एकतामा जानुको बिकल्प नरहेको बताउनुभयो । कम्युनिष्ट आन्दोलनलाई एकतावद्ध गर्नका लागि पार्टी केन्द्रीत भएको छिटै नतिजामा पुग्ने उहाको भनाइ छ ।
कार्यक्रममा नेकपा एकीकृत समाजवादीका अध्यक्ष माधव कुमार नेपालले मुलुकको साझा मुद्धामा सहकार्य गर्नका लागि कम्युनिष्ट दलहरु तयार हुनुपर्ने बताउनुभयो । उहाले बिचार मन मिल्न सने कम्युनिष्ट पार्टीहरु एकता नै गरेर अघि बढ्नुपर्ने जिकिर गर्नुभयो ।
उहाले अहिलको कम्युनिष्ट आन्दोलनको अवस्थाका बारेमा गहिरो समिक्षा गर्नुपर्ने आवश्यकता रहेको धारणा राख्नुभयो ।
