1 year ago
नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिन ह्वीप जारी गर्ने निर्णय गरेको छ ।
संसद भवन नयाँ बानेश्वरमा आइतबार बसेको कांग्रेस संसदीय दलको बैठकले सोमबार प्रधानमन्त्री प्रचण्डले लिने विश्वासको मतको प्रस्तावको पक्षमा मतदान गर्न ह्वीप जारी गर्ने निर्णय गरेको कांग्रेस मुख्य सचेतक रमेश लेखकले जानकारी दिनुभयो । संसदीय दलको बैठकले कार्यसम्पादन समितिको बैठक अनुसार प्रचण्ड नेतृत्वको सरकारमा सहभागी हुने निर्णय गरेको लेखकले बताउनुभयो । बैठकले राष्ट्रपतिमा निर्वाचित रामचन्द्र पौडेल र उपराष्ट्रपतिमा निर्वाचित रामसहाय प्रसाद यादवलाई बधाई दिदै सफल कार्यकालको कामना गर्दै राष्ट्रपति–उपराष्ट्रपति निर्वाचन सफलताका साथ सम्पन्न गर्न भूमिका खेल्ने सवैप्रति धन्यवाद दिने निर्णय गरेको उहाले बताउनुभयो ।
बैठकले नेपाली क्रिकेट टोलीको सफलताका लागि खेलाडीहरुलाई बधाई दिने र क्यान प्रशिक्षक लगाएत सवैलाई धन्यवाद दिने प्रस्ताव पारित गरेको लेखकले बताउनुभयो ।
