1 year ago
नेकपा एमालेका उपाध्यक्ष विष्णु पौडेलले वर्तमान सरकार गठन भएका बेला भएको सहमति अनुसार राष्ट्रपतिमा एमालेका उम्मेदवारले विजयी हासिल गर्ने दावी गर्नुभएको छ ।
बुधबार संसद भवन नयाँ बानेश्वरमा सञ्चारकर्मीसंग कुरा गर्दै पौडेलले सरकार गठन गर्दा गठबन्धन दलहरुबीच भएको सहमति अनुसार नै एमालेका तर्फबाट अघि सारिएको उम्मेदवारको जीत हुने दावी गर्नुभएको हो ।
सरकार गठनको पृष्ठभूमिमा भएको सहमति सवै दलले इमान्दारीका साथ पालना गर्ने उहाको विश्वास छ । उहाले एमालेबाट को उम्मेदवार हुने भन्दा पनि सहमति अनुसारको नजिता आउने बताउनुभयो । पौडेलले पार्टीहरु तथा नेताहरुको सम्बन्धका बिषयमा तहमाथि हुनसक्ने भन्दै मुलुकको आवश्यकता अनुसार एकतावद्ध पनि हुने उल्लेख गर्नुभयो ।
त्यस्तै उपप्रधान एवं अर्थमन्त्री समेत रहनुभएका पौडेलले अहिले लघुवितका क्षेत्रमा देखिएको समस्या समाधानका लागि सरकारले काम सुरु गरिसकेको जानकारी दिनुभयो ।
यता कांग्रेस नेता अर्जुन नरसिंह केसीले राष्ट्रपतिका बिषयमा बिभिन्न दलका आफ्नै दावी रहेका बेला कांग्रेसले आफ्नो उम्मेदवार प्रस्तुत गर्ने बताउनुभयो । मुलुकमा देखिएको आर्थिक लगाएतका समस्या समाधानका लागि र राष्ट्रिय हितका लागि कांग्रेसका तर्फबाट राष्ट्रपति बन्नु अनिवार्य रहेको उहाको भनाइ छ । उहाले कांग्रेसको उम्मेदवारलाई माओवादीले पूर्ण समर्थन गर्ने दावी गर्नुभयो ।
केसीले गठबन्धन तोडेर अस्थीरताको कारक बन्न नचाहने स्पष्ट पार्नुभयो ।
