1 year ago
नेकपा (क्रान्तिकारी माओवादीका) महासचिव मोहन बैद्यले १० बर्षे जनयुद्ध सुरु गर्दा गरिएको बाचाका साथ नयाँ क्रान्ति सुरु गर्ने बताउनुभएको छ ।
सोमबार काठमाडौंमा हिमालयन न्युज एजेन्सीसंग कुरा गर्दै बैद्यले जनयुद्धको अन्तिम समयमा बिजयी हासिल गर्ने बेला पार्टीकै एउटा हिस्साले बदमासी गरेको र जनताको सपनाहरु चकनाचुर भएकाले अव जनयुद्ध सुरु गर्दा गरिएको बाचाका साथ नयाँ क्रान्ति सुरु गर्ने बताउनुभएको हो । जनयुद्धमा जनताले गरेको बलिदान र त्यागको सहि मूल्याङ्कन गरेर नयाँ क्रान्ति गर्ने र जनताको मुक्तिका लागि धोका नदिने उहाको भनाइ छ । बैद्यले जनयुद्धलाई बिचैमा तुहाएर प्रचण्डले नेपाली जनतालाई धोका दिएको भन्दै त्यसबाट शिक्षा लिदै अघि बढ्ने र प्रचण्डको विरोध र भण्डाफोर गर्ने जिकिर गर्नुभयो । उहाले जनताको तीव्र दवावका कारण सरकारले जनयुद्ध दिवसमा सार्वजनिक विदा भएको र त्यो सकारात्मक भएको धारणा राख्नुभयो ।
बैद्यले सच्चा क्रान्तिकारीको नयाँ उत्तराधिकारीको रुपमा आफुलाई स्थापीत गर्दै अघि बढ्ने प्रतिवद्धता जनाउनुभयो ।
