3 years ago
प्रमुख विपक्षी नेपाली कांग्रेसका नेता गगन थापाले राष्ट्रपति प्रधानमन्त्रीको अपराधको साक्षी मात्र नभएर साझेदार बनेको आरोप लगाउनु भयो । थापाले संसद विघटन गर्नसक्ने व्यवस्था अहिलेको संविधानमा नभएको बताउनु भएको छ ।
आइतबार नयाँ बानेश्वरमा आयोजित कोणसभामा नेता थापाले प्रधानमन्त्रीको अहंकारको शिकार संसद र संविधान बनेको समेत आरोप लगाउनु भयो ।
उहाँले २०४७ को संविधानको आधारमा कांग्रेसले २०४८ मा मध्यावधी निर्वाचन गरेको तर्क गरेको संसद विघटन गर्नसक्ने व्यवस्था अहिलेको संविधानमा नराखेको तर्क गर्नुभयो । संसदले प्रधानमन्त्री छान्न सकेन वा भएको प्रधानमन्त्रीले विश्वासको मत गुमाए मात्र संसद विघटनको अवस्था आउन सक्ने उहाँको भनाई छ ।
