3 years ago
भारतमा पछिल्लो २४ घण्टामा ४५ हजार ५९९ जना कोरोना संक्रमित भएको छ ।
भारतमा दिनप्रतिदिन कोरोना संक्रमितको संख्या बढ्दै गएको छ। २४ घण्टाभित्र भारतमा ४५ हजार ५९९ जना नयाँ संक्रमण थपिए सँगै भारत विश्वकै धेरै संक्रमित हुने मुलुकहरुमध्ये तेस्रो स्थानमा रहेको छ । गएको ५ दिनभित्र भारतमा झण्डै २ लाखको हाराहारीमा संक्रमित थपिएका छन् ।
अहिले सम्म भारतमा यसअघि कुनैपनि दिन यति धेरै संक्रमित थपिएको थिएन । भारतमा १२ लाख ३९ हजार ६८४ जना संक्रमित फेला पारेको छ । यो सँगै भारत एसियाकै धेरै संक्रमित हुने मुलुक बनेको छ । भारतमा कोभिड - १९ को कारण ज्यान गुमाउनेको संख्या २९ हजार ८९० पुगेको छ भने निको भएर घर फर्किनेको संख्या ७ लाख ८४ हजार २६६ जना पुगेको छ ।
