3 years ago
कोरोना भाइरस देखिएपछि न्युजिल्याण्डको सबैभन्दा ठूलो शहर अकल्याण्डमा लकडाउन गरिएको छ ।
बेलायतमा भेटिएको नयाँ प्रजातिको भाइरसको संक्रमण देखिएपछि त्यहाँ तीन दिनका लागि लकडाउन गरिएको अधिकारीहरुलाई उदृत गर्दै अन्तर्राष्ट्रिय सञ्चारमाध्यमले जनाएका छन् । न्युजिल्याण्डमा पहिलो पटक तीन जनामा नयाँ भाइरसको संक्रमण देखिएको हो ।
संसदका सदस्यहरुसँगको छलफलपछि प्रधानमन्त्री जसिन्डा आर्डेनले बुधवारसम्मका लागि लागू हुनेगरी लकडाउनको घोषणा गरेकी हुन् । न्युजिल्याण्डमा पछिल्लो छ महिनामा कुनै पनि बेला लकडाउन गरिएको थिएन ।
करिब ५० लाख जनसंख्या रहेको न्युजिल्याण्डमा दुई हजार तीन सय जना संक्रमित हुँदा २५ जनाको मृत्यु भएको समाचारमा जनाइएको छ ।
