3 years ago
कोरोना संक्रमणका कारण काठमाडौंको टिचिङ अस्पतालमा २४ घण्टा भित्र चार जनाको मृत्यु भएको छ।
मृत्यु भएका मध्ये काठमाडौंका तीन जना र सिन्धुपाल्चोकका एक जना रहेको अस्पतालका कोभिड टिम सदस्य डा. सविन थपलियाले जानकारी गराएका छन । मृत्यु हुने काठमाडौंका ५९, ६४ र ७० वर्षीय पुरुष छन् भने सिन्धुपाल्चोकका ५९ वर्षीय पुरुषको मृत्यु भएका छन ।
काठमाडौंका ५९ वर्षीय पुरुष गत भदौ १९ गते अस्पताल भर्ना भएका थिए उनको गए राति सवा ११ बजे मृत्यु भएको हो। त्यस्तै अर्का ६४ वर्षीय पुरुषको भने आइतबार बिहान साढे २ बजे मृत्यु भएको अस्पतालले जनाएको छ।
अर्को ७० वर्षीय वृद्धको शनिबार ४ बजे मृत्यु भएको थियो भने सिन्धुपाल्चोकका ५९ वर्षीय पुरुषको शनिबार राति साढे १२ बजे मृत्यु भएको डा. थपलियाले जनाए।
