3 years ago
जापानमा कोरोना भाइरसको नयाँ प्रकारको भाइरस भेटिएसँगै अन्य देशको नागरिकहरुलाई प्रवेशमा रोक लगाउने निर्णय गरिएको छ ।
जनवरीको अन्तिमसम्म कायम रहने गरी प्रतिबन्ध लगाइएको हो । अन्य मुलुकबाट आउनेले १४ दिन सेल्फ क्वारेन्टिनमा बस्नुपर्ने छ । शनिबार जापानको टोकियोमा कोरोनाको नयाँ भेरियन्टका दुई संक्रमित फेला परेको छ ।
यसअघि शुक्रबार पनि बेलायतबाट आएका पाँच जनामा नयाँ भेरियन्टको संक्रमण देखिएको थियो । कोरोनाको नयाँ भेरियन्ट सबैभन्दा पहिला बेलायतमा देखिएको थियो । बेलायतमा कोरोनाको नयाँ भेरियन्ट देखिएसँगै विश्वका ४० भन्दा धेरै मुलुकहरुले बेलायतमाथि प्रतिबन्ध लगाइएको छ।
