3 years ago
भारतीय विदेश मन्त्री एस जयशंकरले गौतमबुद्धको जन्म भारतमा भएको दाबी गरे पछि नेपाली कांग्रेसका प्रवक्ता विश्वप्रकाश शर्माले पार्टिको आपत्ति रहेको जनाएका छन् ।
प्रवक्ता शर्माले ट्वीट गर्दै-‘भगवान बुद्ध नेपालमा जन्मिएका हुन् । त्यो भू-भाग आजको नेपालमा रहेको पौराणिक र प्रमाणित तथ्य विरुद्ध भारतीय विदेश मन्त्रीको अभिव्यक्तिप्रती हाम्रो गम्भीर आपत्ति छ । आवेगको जवाफमा आवेग पस्किएर नेपाल र नेपालीको संवेदनशीलतामा चोट पुर्याउने कार्य हाम्रा लागि किमार्थ स्विकार्य छैन ।’ भन्नुभएको छ ।
स्वयं भारतीय प्रधानमन्त्री नरेन्द्र मोदीले नेपालको संसदमा बुद्ध नेपालमा जन्मिएका हुन् भनेर बोलेपछि बिगतको दाबी खारेज भैसकेको भएपनि पुन यस्तो आपत्तिजनक टिप्पणी गर्नु दुख:द् भएको प्रवक्ता शर्माले भन्नुभयो ।
