3 years ago
सत्तारूढ नेपाल कम्युनिस्ट पार्टीको सचिवालय बैठक यही वैशाख २० गते फेरि बस्ने गरी सकिएको छ।
बुधबार बालुवाटारमा बसेको बैठकमा पार्टीको आन्तरिक समस्या, एकता सुदृढीकरण, सरकारको काम(कारबाही र केही नेताहरूले माग गरेको स्थायी समिति बैठकबारे छलफल भएको नेता नारायणकाजी श्रेष्ठले जानकारी दिनुभयो ।
सचिवालय बैठकले यी सबै विषयमा अहिलेको आवश्यकतासँग मेल खाने, पार्टीलाई एकताबद्ध ढंगले अघि बढाउने र जनताले दिएको जनादेशअनुसार सामाजिक(आर्थिक रूपान्तरण प्रक्रियालाई पनि अगाडि बढाउने सन्दर्भमा उपयुक्त निर्णय लिने र यसबीच पार्टीको नेतृत्व टोलीले अनौपचारिक गृहकार्य पनि गर्ने उहाले बताउनुभयो ।
नेकपाको दुवै समूह (प्रधानमन्त्री केपी ओली र पुष्पकमल दाहाल प्रचण्ड-माधवकुमार नेपाल समूह) ले आफ्नो पक्षमा बहुमत देखाउन सांसदको हस्ताक्षर अभियान चलाइरहेका बेला सचिवालय बैठक बसेको हो।
