3 years ago
सरकारले मुलुकका बिभिन्न स्थानमा कोरोना र्यापिड टेष्टलाई बढाउने भएको छ ।
सिंहदरबारमा शुक्रबार बसेको कोरोना नियन्त्रण तथा रोकथाम उच्चस्तरीय समन्वय समितिले प्रदेश तहमा कोरोना र्यापिड टेष्टलाई बढाउने निर्णय गरेको हो । बैठकमा सातै प्रदेशको अवस्थाका बारेमा समिक्षा भएको थियो ।
टेष्टलाई प्रभावकारी रुपमा अघि बढाउने रुपमा बढाउने र थप स्वास्थ्यकर्मी खटाउने तथा सामाग्रीहरु थप प्रदान गर्ने निर्णय भएको समितिका प्रवक्ता एवं मन्त्रीपरिषद् कार्यालयका सचिव नारायणप्रसाद बिडारीले जानकारी दिनुभयो ।
उहाले सरकारी नीजि तथा छात्रबृतिबाट बिदेश पढेर आएका चिकित्सकलाई पनि परिचालन गर्ने निर्णय भएको बताउनुभयो । बैठकमा बिभिन्न राजमार्गबाट हिडेर गएका नागरिकको बारेमा छलफल भएपनि कुनै निर्णय नभएको र होम क्वारन्टाइनमा बसेर नै लकडाउनलाई सफल बनाउनुपर्ने समितिको ठहर छ ।
