3 years ago
स्वास्थ्य तथा जनसंख्यामन्त्री भानुभक्त ढकालले असार १५ बाट प्रत्येक दिन १० हजारको संख्यामा पिअिसार परीक्षण गर्ने रिर्पोट दिने दाबी गर्नुभएको छ ।
सोमबार प्रतिनिधिसभामा सांसदहरुले उठाएका प्रश्नको जवाफ दिँदै स्वास्थ्य मन्त्री ढकालले पिसिआरको परीक्षण दायरा बढाएर प्रतिदिन १० हजार जाँच हुने बताउनुभएको हो । असार १५ सम्म सातै प्रदेशमा ठूलामेसिन जडान गरिने उहाँको भनाई छ ।
उहाँले परीक्षणको सवालमा नेपाल एसियामा राम्रो स्थानमा रहेको दाबि गर्दै केही दिनमा परीक्षणमा भुटानभन्दा राम्रो हुने उल्लेख गर्नुभयो । मन्त्री ढकालले आरडिटी परिक्षणलाई संक्रमण पत्ता लगाउन नभई स्क्रिनिङको लागि मात्र प्रयोग गरेको जिकिर गर्नुभयो ।
ढकालले कोरोना रोकथाम तथा नियन्त्रणका लागि भएको १० अर्ब खर्च भएको बताउनुभयो । ६ सय ४१ स्थानीय तहको खर्च मात्रै यसमा समावेश भएको भन्दै उहाँले रकम क्वारेन्टाइन बनाउनेदेखि आन्तरिक कामका लागि पनि यो खर्च भएको बताउनुभयो ।
ढकालले जुनसुकै कारणले मृत्यु भएपनि मृतकमा कोरोना भाइरसको संक्रमण छ कि छैन भनेर मृत्युपछि पनि पीसीआर टेष्ट गरिने बताउनुभयो । मन्त्री ढकालले हालसम्म २ लाख ५७ हजार ९ सय ६२ को कोरोना स्वास्थ्य परीक्षण गरेकोमा १ लाख ९ सय ७१ पीसीआर विधिबाट परिक्षण गरेर जानकारी दिनुभयो ।
