1 year ago
राष्ट्रिय प्रजातन्त्र पार्टी (राप्रपा)ले नक्कली भुटानी शरणार्थी प्रकरणमा संलग्न कसैलाई पनि छुट दिन नहुने भन्दै प्रधानमन्त्रीलाई ज्ञापन पत्र बुझाएको छ ।
शुक्रबार प्रधानमन्त्री कार्यालय सिंहदबारमा राप्रपाका नेताहरुले प्रधानमन्त्री पुष्पकमल दाहाल प्रचण्डलाई भेट्दै नक्कली भुटानी शरणार्थी प्रकरण राष्ट्रघाती र देशद्रोही काम भएको र यसले अन्तराष्ट्रिय जगतमा समेत नेपालीले शिर निहुराउनुपर्ने अवस्था आएको भन्दै यस प्रकरणमा संलग्नलाई पनि छुट दिन नहुने भन्दै ज्ञापन पत्र बुझाएको हो ।
राप्रपा अध्यक्ष राजेन्द्र लिङ्देनले बिगतको भ्रष्टाचारको छानविनजस्तो गायव गर्ने काम गर्न नहुने र दोषीलाई उन्मुक्ति दिन नहुने भन्दै प्रधानमन्त्रीलाई ज्ञापन पत्र बुझाएको बताउनुभयो । उहाले विगतका ठुल्ठूला भ्रष्टाचार काण्डका फाइलहरु खोल्न र २०४६ पछिका सबै उच्च पदस्थ नेता कर्मचारीको सम्पत्ति छानबिन गर्नसमेत माग गरिएको जानकारी दिनुभयो । छानविनलाई दवाव दिनका लागि राप्रपाले सदन र सडकबाट दवाव दिने उहाले बताउनुभयो ।
राप्रपाको ज्ञापन पत्र बुझ्दै प्रधानमन्त्री प्रचण्डले अन्तराष्ट्रिय चासोको बिषय समेत बनेको नक्कली भुटानी शरणार्थी प्रकरणबाट सरकार पछि नहट्ने भन्दै जोसुकैलाई पनि कानूनी दायरामा ल्याउने प्रतिवद्धता जनाउनुभयो ।
