1 year ago
नेपाल मजदुर किसान पार्टी (नेमकिपा)ले कानूनी व्यवस्थाअनुसार संसदमा प्रमुख प्रतिपक्षी आफ्नो पार्टी भएको दावी गरेको छ ।
प्रतिनिधिसभाको बिहीबारको बैठकमा नेमकिपाका सांसद प्रेम सुवालले कांग्रेसले सरकारलाई विश्वासको मत दिएको अवस्थामा कानूनी व्यवस्थाअनुसार नेमकिपा नै संसदको प्रमुख प्रतिपक्षी भएको दावी गर्नुभएको हो । त्यस्तै उहाले संसदमा कांग्रेसले प्रतिपक्षीको हैसियत गुमाएको समेत बताउनुभयो । उहाले संसद बैठक स्थगन गर्दै प्रतिपक्षी दल तोकेर मात्रै संसद सञ्चालन गर्न माग गर्नुभयो । प्रधानमन्त्रीलाई विश्वासको मत दिने कांग्रेसले प्रमुख प्रतिपक्षी दलको कुर्सी छाड्न नचाहाएको हो भने नेपालमा पश्चिम शैलीको संसदीय व्यवस्था समाप्त भएको र पूर्वी शैलीको राजनीतिक प्रणाली अवलम्बन गरिएको घोषणा गर्न जरुरी रहेको सुवालले बताउनुभयो ।
उहाले प्रमुख प्रतिपक्षी भएर सरकारलाई रचनात्मक सहयोग गर्ने जिकिर गर्नुभयो ।
